VOV4.K’ho - Drim òr (24/03), Quân ủy dà lơgar, Ƀộ Quốk phòng bơyai lơh Pơn jờng cau kơnòm să geh pơnrơ jăk, cau kơnòm să jăk chài gùt ling klàng nam 2021. 10 nă cau kơnòm să geh pơnrơ jăk, 36 nă cau kơnòm să jăk chài gùt ling klàng geh rơwah nam do là ală cau jăk chài, ala măt git nđờ rơhiang rơbô nă đoàn viên, ơruh pơnu tàm gùt ling klàng tàm ală gah broă: bơto ling, rơcang tam lơh mờ tam lơh, bơsram, kơlôi sơnơng khoa họk, dong kờl làng bol tơn jơh jơgloh, tơmù rơƀah; rơcang sơndră mờ rềs àr bơh trồ tiah, kòp gơtờp, dong klàs cau gơtìp rềs àr, đơs crih tamya, tàp pràn să jan mờ lơh kơnòl dunia.

Tàm broă pơn jờng, ala măt Quân ủy dà lơgar, kwang đơng lam Ƀộ Quốk phòng, Ƀộ trưởng Ƀộ Quốk phòng ồng Phan Văn Giang neh dờp mờ pơn jờng cồng nha neh lơh geh bơh cau kơnòm să gùt ling klàng bal mờ ală ală cau kơnòm să geh pơnrơ jăk, cau kơnòm să jăk chài nam 2021. Ai tơngŏ tàm cồng nha bal gùt ling klàng, geh broă pơgồp bal dờng màng bơh cau kơnòm să ling klàng dê.

Cau mblàng Ndong Brawl