VOV4.K’ho- Ngai 14/4, Ƀan Cấp hàñ Đảng ƀộ càr Gia Lai bơyai lơh pơrjum dơ̆ 7 (rề ơnàng). Jat jơnau đơs tàm pơrjum, broă lơh sa mpồl bơtiàn quý 1 nam 2022 tàm càr Gia Lai geh tềl tơnggŏ bơtàu tơnguh wơl mờ bơtàu tơnguh. Mùl màl, khà gơguh kờp jơh phan lơh gơs GRDP kờp dŭ geh rlau 7%, tă dia geh rlau 1 rbô 660 tơmàn đông, priă lơh geh bơh tac phan hờ lơgar ndai quý 1 geh 200 tơlak dolar Mỹ, gơguh 25% pơndrờm mờ bal dùl tŭ nam lài.

Ală khà bè kờp jơh cồng nha lơh sa mờ măi mok, tac rah rài phan bơna ndrờm gơguh pơndrờm mờ bal dùl tŭ nam lài. Pơrjum ring bal tàm tơngai tus, càr tơrgùm lam lơh ală broă lơh lơh gơlik bơta ƀuơn nàng bơtàu tơnguh wơl, bơtàu tơnguh lơh sa, gàr ờdo ờdă rài kis mpồl bơtiàn; jơh nùs rơndap sap sèng wơl lơh sa suơn sre jat gùng dà tam gơl chi tam ngui kông nghệ kao; chồl pràn bơt bơtàu ƀòn lơgar pa jat gùng dà lơh geh uă cồng nha tàm ală bơta; sơlơ tơnguh atbồ ù tiah, chồl pràn bơtàu tơnguh lơh sa mờ măi mok, dong kờl mpồl lơh sa kă bro chồl mhar tơngai bơcri priă; lơh niam sră nggal hàñ cíñ.

Cau mblàng K’Duẩn