Ngai òr (19/05), Tổng thư ký Quốk hội bơyai lơh pơrjum ƀăo yal bè kờp dŭ geh bơyai lơh pơrjum dơ̆ 5, Quốk hội khoă XV. Pơrjum dơ̆ 5, Quốk hội Khoă XV geh bơyai lơh pơrjum ing lài mờ sơn đờm tàm ngai 22 nhai 5, kờp dŭ geh tơn jơh pơrjum tàm ngai 23 nhai 6 jăt broă lơh pơrjum tơrgùm bal tàm Hìu Quốk hội.

Pơrjum dơ̆ 5 geh ai bơyai tàm 2 dơ̆. Dơ̆ 1 bơh ngai 22 nhai 5 tus ngai 10 nhai 6. Dơ̆ bàr geh bơyai lơh bơh ngai 19 tus ngai 23 nhai 6 (bơh ngai 11 tus 18 nhai 6), Quốk hội ơm nàng ală anih lơh broă Quốk hội, Cíñ phủ mờ ală anih lơh broă geh gơnoar geh tơngai iăt, lơh niam wơl, lơh gơs rơndăp broă cih adăt, rơndăp broă Nghị quyết). Kờp dŭ kờp jơh tơngai lơh broă bơh Pơrjum dê là 22 ngai”. Tàm pơrjum do, Quốk hội geh sền wơl, ring bal 8 rơndăp broă cih adăt, 3 rơndăp broă Nghị quyết. Bơdìh hơ̆ tai, Quốk hội geh sền wơl, pơgồp jơnau đơs bè ală jơnau yal bè sền wơl bơtơl cồng nha lơh jăt broă rơndăp lơh tơnguh bơtàu lơh sa mpồl bơtiàn mờ kes priă dà lơgar nam 2022; broă lơh jăt broă rơndăp lơh tơnguh bơtàu lơh sa mpồl bơtiàn mờ kes priă dà lơgar ală nhai bồ nam 2023...