Pơrjum cribơyai nàng kờñ đơs nền, lơh tơngŏ loh gơnoar broă mờ ală tă pơgồp dờng màng bơh mpồl ling phàu crong mờ làng bol jơh gùt lơgar, làng bol jơi bơtiàn tiah đah Tô Dà lơgar, mờ să tờm tơn là ling klàng mờ làng bol càr Điện Biên dê. Do kung là dơ̆ nàng ală cau jak chài, cau kơlôi sơnơng jơnau tàm sră pơ àr mblàng sền, lơh loh gơnoar broă, gơtha kah yau, jơnau tờm gơ lam tus lơh geh pha lin; đòm jat niam ală jơnau bơsram mờng chài tàm broă lơh bơt bơtàu mờ sền gàr Dà lơgar tŭ do.

Mpồl bơyai lơh neh cih jơnau lời kir sơnrai dơ̆ pơrjum cribơyai dê jat tàm 104 jơnau cih tă pơgồp jơnau đơs tus bal, dơ̆ pơrjum cribơyai geh pơgap 500 nă kwang bàng, geh bơta tus bal bơh ală kwang bàng đơng lam Đảng, Dà lơgar, Quôk hội. Kwơ màng, tus bal dơ̆ cribơyai geh 3 nă cau lơh cơng kah yau- là ală cau neh tus bal tơn tàm dơ̆ tam lơh Điện Biên Phủ.