Jăt jơnau yal tàm pơrjum, tơngai do kwang àng 2 lơgar neh pơgồp bal git gŏ cau tìs mờ bơta ờ niam ma túy đah 2 lơgar, tàm hơ̆ uă ngan là tàm gơl gùng nhàr dà lơgar nàng git ală gơl gùng, ală tiah geh uă, kal ke bè ma túy, bơh tŭ hơ̆ ai geh 4 gơl gùng pơn diang ma túy bơh tiah “pe mum biàng” mŭt tàm lơgar Lào mờ lòt tus tàm ală tiah tàm lơgar Lào mờ lơgar Việt Nam.

                       Pơrjum Ƀộ trưởng bè broă sơndră mờ ma túy đah lơgar Việt Nam mờ lơgar Lào

                                                                    Ală kwang bàng tus pơrjum

Kwang àng 2 lơgar kung neh pơgồp bal cih rùp gùng lòt tàm ờ uă gơl gùng mờ tàm tiah geh uă ală cau kă bro ma túy di gơlan geh sơgràm ngui nàng pơn diang ma túy bơh tàm tiah “pe mum biàng” mŭt tàm lơgar Lào hơ̆ sồng lòt gan tiah nhàr dà lơgar tus lơgar Việt Nam. Bơh broă pơgồp bal, mpồl kwang àng lơgar Việt Nam neh gŏ, kŭp rơlao 5 rơbô 300 dơ̆, mờ rơlao 7 rơbô 300 nă cau tìs bè ma túy...

Ƀộ Kwang àng 2 lơgar sồr ală mpồl lơh broă geh gơnoar kwang àng ală tiah rềp nhàr bal bơh bàr lơgar pơn jăt tai lơh pràn broă sơndră mờ ma túy tàm tơngu me jơnau kah bal đah Ƀộ Kwang àng 2 lơgar bè lơh broă bal sơndră mờ ma túy; pơgồp bal lòt sền, sền wơl, kơrian ală tiah tơrgùm uă bè ma túy, gàr niam ờ do ờ dă mpồl bơtiàn tàm tiah nhàr dà lơgar đah bàr lơgar dê.