VOV4.K’ho - Drim do (22/04), tàm Hà Nội, tềng đăp mờ broă đơng lam bơh Tổng Ƀí thư ồng Nguyễn Phú Trọng, Ƀộ Cíñ trị, Ƀan ƀí thư bơyai lơh pơrjum gùt lơgar lơh jăt Nghị quyết sồ 13 ngai 02 nhai 04 nam 2022 bơh Ƀộ Cíñ trị khoă 13 bè gùng dà broă tơnguh bơtàu lơh sa mpồl bơtiàn, gàr niam broă sền gàr dà lơgar mờ bơta lơngăp lơngai tàm tiah ring dà dờng Cửu Long tus nam 2030, wèt tus nam 2045.

                                                  Tổng Ƀí thư ồng Nguyễn Phú Trọng

Pơrjum kờñ mblàng yal, lơh jăt Nghị quyết sồ 13 tus mờ ală ƀan, ƀộ, gah lơh broă dà lơgar, ală càr, ƀòn dờng; tơnguh jơnau git wă, kơnòl, lơh ngan cíñ trị bơh kấp ủy đảng, anih lơh broă, mpồl lơh broă, kwang bàng, cau geh đảng, kông cứk, viên cứk, đoàn viên, cau tàm mpồl nàng lơh jăt pràn, geh cồng nha nghị quyết bơh Ƀộ Cíñ trị dê. Lài mờ hơ̆, tàm pơrjum bơh Ƀộ Cíñ trị dê, Tổng Ƀí thư ồng Nguyễn Phú Trọng neh đơs loh: pal tơlik nghị quyết, ai tơngŏ gơnoar, bơngă kwơ màng bơh tiah lơh sa tàm tiah ring dà dờng Cửu Long dê.

Cau mblàng Ndong Brawl