Tàm pơrjum, ală kwang bàng Đảng đoàn Quôk hội mờ Mpồl kwang bàng duh broă Đảng Cíñ phủ cribơyai lơh loh tai ală cồng nha tàm pơgồp bal đah 2 gah; kuơmàng ai tơlik ală kơnòl broă, broă lơh, tam pà ală kal ke nàng bal mờ gơp git wă, pơgồp bal, nàng lam lơh geh cồng nha ală kơnòl bơh tơl gah dê mờ tài jơnau kờñ bal.

Đơs pơn dut pơrjum, Thủ tướng Cíñ phủ ồng Phạm Minh Chính đơs niam bơta lòt bal, tam pà bal tàm broă lam lơh kơnòl đah broă lơh bơh Quôk hội mờ Cíñ phủ dê; pin dờn tàm tơngai tus, Đảng Đoàn Quôk hội mờ Mpồl kwang bàng duh broă Đảng Cíñ phủ rơp pơn jat tai pơgồp bal jơh nùs, pơn jat tai tamgơl pa, ngac ngar di mờ bơta geh ngan, ngan là tàm bơt bơtàu adat boh lam, ală broă dờng, jal mhar, ngan ngồn ai tơlik nàng tă bơsong kòl yan, lơh gơlik bơnàng jă adat boh lam ai bơta bơtàu tơnguh bơh dà lơgar dê in.