Pơrjum do geh bơta đơng lam bal bơh Ƀộ Trưởng Ƀộ Broă rơndăp lơh mờ Bơcri priă ồng Nguyễn Chí Dũng mờ Ƀộ trưởng dơ̆ 2 Ƀộ lơh sa mờ măi mok mờ Kă bro mơkung là Ƀộ trưởng Mpồl cau lơh broă lơgar Singapore dê ồng  Tan See Leng (Than Xi Lâng). Tàm pơrjum dơ̆ do, 2 gah kung yal mờ cribơyai bè bàr pe cồng nha lơh geh kờp bơh Pơrjum Ƀộ trưởng dơ̆ 17 tàm Hà Nội tàm lơgar Việt Nam dê, bơh nhai 8 nam 2023 tus tŭ do, geh: gơguh jak bơt bơtàu broă rơndăp lơh lam lơh Bơta gĭt gơ̆p Lơh broă bal lơh sa tơlir- Lơh sa sồ; cồng nha lơh broă bal tàm gah tam gơl pa bơceh lơh.

Bơh pơrjum Ƀộ trưởng bè cồng nha tàm tơrbŏ bal lơh sa Việt Nam mờ Singapore dơ̆ 18, Việt Nam neh đơs nền ală nùs nhơm mờ bơta sền gròi tàm lơh broă bal lơh sa mờ Singapore nàng kờñ lơh jrô ơnàng làm uă rlau tai bơta gĭt gơ̆p lơh broă bal kwơ màng đah 2 lơgar dê; sồr đah lơgar Singapore lơh ngan pơgồp bal lam lơh, lơh jat ală jơnau bơceh lơh pa tàm tơngume Jơnau hơ nền tàm tơrbŏ bal; sồr ală mpồl lơh sa kă bro Singapore ai ală jơnau đơs lơh broă bal pa mơ sơlơ tơnguh tai bơcri priă tàm lơgar Việt Nam.