Pơrjum Ƀộ trưởng mpồl ASEAN bè atbồ rềs àr dơ̆ 11
Thứ bảy, 07:45, 07/10/2023
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Bơh ngai 08 tus ngai 13 nhai 10, tàm càr Quảng Ninh rơ̆p bơyai lơh Pơrjum Ƀộ trưởng mpồl ASEAN bè Atbồ rềs àr dơ̆ 11 geh lơgar Việt Nam bơyai lơh mờ gơnoar broă là Củ tịc.
Do là jơnau yal geh ai tơlik tàm dơ̆ pơrjum ƀăo yal geh bơyai lơh drim ngai 06 nhai 10 tàm càr Quảng Ninh dê. Pơrjum geh bơyai lơh mờ 11 dơ̆ pơrjum mùl màl mờ 4 dơ̆ pơrjum bal đah bàr gah, 9 broă lơh tềng bơdìh tơrgùm tàm ală tơngu me lơh broă bal đah ală lơgar tàm mpồl ASEAN dê tàm gah bè “Atbồ rềs àr bơh trồ tiah”... Pơrjum Ƀộ trưởng mpồl ASEAN bè Atbồ rềs àr bơh trồ tiah dơ̆ 11 geh ring bal “Jơnau yal Hạ Long bè lơh broă gờñ tàm broă atbồ rềs àr bơh trồ tiah tàm mpồl ASEAN”. Do là jơnau bơceh pa geh lơgar Việt Nam ai tơlik bơ̆t bơtàu tàm nam lơh jăt kơnòl broă Củ tịc mpồl ASEAN tàm atbồ rềs àr bơh trồ tiah.
Viết bình luận