Pơrjum geh broă tus bal bơh ală kwang bàng ala măt, Ƀộ trưởng mpồl ASEAN drơng broă yal tơngit jơnau, ală Lơgar tam klăc lơh broă bal lơgar Lo, Nhờk, Hàn Quốk mờ ală lơgar sền gròi bal. Đơs tàm pơrjum, Phó Củ tịc lơgar mò Võ Thị Ánh Xuân đơs là, dunia gam tàm tơngai tam gơl uă ngan, jơnau tơngit geh gơdờp bal tài bơh kông nghệ mờ Internet neh lơh bơta gơrềng bal gơlik geh tàm gùt plai ù.

Den tàng, broă lơh broă bal geh gĭt jơnau yal tơngit di tŭ, di geh ai bơh tàm bơta pràn sồ; lơh jơnau tơngit gơs bơta git wă nàng dong kờl mpồl lơh sa kă bro, tơnguh uă rài kis lơh broă sa mờ rài kis làng bol in, tơmù ờ uă ngan bơta gơrềng bơh jơnau tơngit ờ niam là jơnau kờñ geh ngan tŭ do, tàm jơh ală bơta tàm dà lơgar, tàm tiah do mờ tàm dunia, tàm hơ̆ geh mpồl ASEAN. Tàm pơrjum, do, lơgar Việt Nam ai geh ờ uă broă lơh nàng lơh pràn broă tam gơl sồ; tơnguh uă bơta pràn geh ngui internet mờ bơta git wă sồ ai làng bol in; tơnguh broă yal rùp rài bơh mpồl ASEAN mờ ală lơgar tàm mpồl...