Yal pang sră bơh Tổng Ƀí thư Nguyễn Phú Trọng dê bè “Đòm jat niam bơhiàn tam klăc dờng jơi bơtiàn, bơt bơtàu Dà lơgar he dê ngai sơlơ pas pràn, niam jak, kis chờ hờp” Ƀí thư Đảng Dà lơgar, Củ tịc Ủy ƀan Mặt trận Dà lơgar Việt Nam Đỗ Văn Chiến đơs loh: pang sră lơ ŭt 747 pang, geh 3 bơnah geh uă tơngume kwơ màng ngan jơh bal bè bồ tơngoh kơlôi sơnơng jơnau tàm sră pơ àr mờ broă lơh geh ngan, là “bơta tề lam” ai kwang bàng tàm ală Mặt trận, ală kấp ủy, mpồl đảng, kwang bàng đảng viên, làng bol kơlôi sơnơng, ngui tàm bơta geh ngan.

Gơwèt mờ Pang sră “Bơt bơtàu mờ bơtàu tơnguh rài lơh broă mờ lơgar ndai, cribơyai broă mờ lơgar ndai lơgar Việt Nam dê tơl làm, tàm tơngai pa, cèng bềng bơhiàn niam bơnĕ tờm gle Việt Nam” bơh Tổng Ƀí thư Nguyễn Phú Trọng dê, Đaị sứ- Atbồ ing Học viện Ngoại giao (Ƀộ Ngoại giao) Phạm Lan Dung pà gĭt, pang sră là ală bồ tơngoh, nùs nhơm đơng lam bơh Tổng Ƀí thư dê geh ai bơh bơta geh ngan li la uă ngan, tơngŏ bơta sền sơning, bồ tơngoh kơlôi sơnơng jak chài, bơta đơng lam uă ngan, kràñ cê jơh nùs ngan, tơl làm ngan, bềng bơta pràn gơ hòi gơ jà bơh Tổng Ƀí thư dê gơwèt mờ broă lơh lơh broă mờ lơgar ndai bơh lơgar Việt Nam dê.