Tus tŭ do, gùt lơgar geh 31 rbô 364 hợp ták xã, 133 mpồl tam klac hợp ták xã mờ 120 rbô 983 mpồl lơh bal. Ală nam do, ală hợp ták xã bơtàu tơnguh li la rlau bè gah broă bal mờ bơta dờng mờ bơta chài dong kờl niam rlau ai ală cau tàm mpồl in, ai geh broă lơh mờ tơnguh priă lơh geh ai cau lơh broă in. Bulah bè hơ̆, bơdìh mờ bơta gơn kơnờm bè priă jền, ală hợp ták xã tŭ do gam pal bơsong bè bơta niam cau lơh broă dê… Jat ală kwang bàng đơs, bơto bơtê, bơto pơlam cau lơh broă ai gah hợp ták xã in là broă kuơmàng ngan, là dùl tàm ală mpồl broă lơh geh dà lơgar dong kờl, đơs loh làng ngan tàm Adat hợp ták xã nam 2023. Tàm tŭ tơngai tŭ do, pal sền sơ wì uă bè gùng dà, broă lơh, broă dong kờl mờ geh ală broă lơh geh cồng nha mờ ngan ngồn tàm bơto bơtê cau lơh broă bơh lơh sa mpồl bal, hợp ták xã dê.