Yal tàm pơrjum, Thứ trưởng Ƀộ Kế Hoạc mờ Đầu tư ồng Trần Duy Đông pà git, Cíñ phủ kung pa geh Nghị quyết sồ 66 bè Broă lơh bơh Cíñ phủ dê lơh jat Nghị quyết sồ 41 bơh Ƀộ Cíñ trị dê. Jat hơ̆, jơnau kờñ bơh tŭ do tus nam 2030, geh bơh 2 tơlak mpồl lơh sa kă bro, tàm hơ̆ crơng gơs mờ bơtàu tơnguh uă cau lơh sa kă bro đơng lam ală tập đoàn lơh sa pràn, geh bơta pràn jak, geh bơta pràn tàm pơrlòng tàm drà kă bro tàm lơgar mờ dunia, ngui niam gơnoar broă pờ gùng tề lam ală gah, ală broă kuơmàng bơh rài lơh sa dê.

Đơs đơng lam tàm pơrjum, Kwang atbồ Ƀan Tuyên giáo dà lơgar ồng Nguyễn Trọng Nghĩa đơs nền, nàng Nghị quyết sồ 41 bơh Ƀộ Cíñ trị dê mhar ngui ngan ngồn tàm rài kis, pal pơn jat tai tam gơl pa broă bơyai lơh, lam lơh jat; sền gròi tus broă jat sền, sồr lơh, sền sơ wì, rơcang gơ in niam ală bơta pal geh, priă jền mờ bơta lơh ngan cíñ trị uă, lơh ngan dờng nàng lam lơh jat geh cồng nha Nghị quyết.