Dơ̆ pơrjum do nàng sền swì cồng nha broă lơh bồ tơngoh mờ jơnau đơs tàm rài kis mpồl bơtiàn bơh bồ tơngai lơh broă tus tŭ do mờ kơnòl broă gùng dà broă lơh tàm tơngai tus gơwèt mờ broă lơh bồ tơngoh mờ jơnau đơs tàm rài kis mpồl bơtiàn tàm Đảng ƀộ Gah ală anih lơh broă Dà lơgar dê.

Đơs sồr lơh tàm dơ̆ pơrjum, ồng Nguyễn Văn Thể, Ƀí thư Đảng ủy Gah ală anih lơh broă Dà lơgar, đơs là: Broă lơh bồ tơngoh mờ jơnau đơs tàm rài kis mpồl bơtiàn tàm tơngai lài neh geh Đảng ủy Gah ală anih lơh broă Dà lơgar mờ ală kâp ủy gơwèt bal sền gròi mờ sền dờng màng; broă iăt, kơno, bơto pơlam mờ bơsong ală broă bè bơta bồ tơngoh mờ jơnau đơs tàm rài kis mpồl bơtiàn di tŭ rlau. Ồng Nguyễn Văn Thể sồr tàm tơngai tus, Đảng ủy Gah ală anih lơh broă Dà lơgar mờ ală kâp ủy gơwèt bal pơn jăt tai lơh jăt niam dơ̆ pơrlòng jơnau đơs ngan ngồn bè sền gàr ală jơnau đơs bồ tơngoh bơh Đảng dê; mơkung geh broă rơndăp lơh lam lơh jăt niam ală jơnau sồr bè kơnòl lơh krơh bơh kwang bàng, đảng viên dê gơ jăt bal mờ lơh jăt Jơnau đơs pơndŭt sồ 01 bơh Ƀộ Cíñ trị dê bè pơn jăt tai lơh jăt Jơnau sồr sồ 05 bè lơh pràn bơsram mờ lơh jăt bồ tơngoh, nùs nhơm, broă lơh mờ rài kis Hồ Chí Minh dê.