Tàm Pơrjum  ală ƀộ, gah lơh broă dà lơgar, ală càr, ƀòn dờng mblàng mờ bơtàu tơnguh lơh sa mpồl bơtiàn. Jơnau đơs tàm pơrjum đơs loh ală anih lơh broă, cau geh gơnoar lơh sră nggal adăt boh lam mờ ală anih lơh broă, mpồl lơh broă gơrềng bal geh kơnòl kơlôi sơnơng, ngui cồng nha sền wơl tàm Jơnau yal bơh Cíñ phủ bè cồng nha sền wơl sră nggal adăt boh lam nàng kơlôi sơnơng, rơcang ai geh jơnau bơsong ală tơngu me gam ờ ndrờm bal, tàm bơrlŭ bal, ờ nền nòn, kal ke tàm broă lơh jăt kơnòl bơh să tờm bè broă bơ̆t bơtàu mờ lơh gơs adăt boh lam.

Jơnau đơs pơn dŭt pơrjum, Phó Thủ tướng ồng Lê Minh Khái hòi jà Mpồl sền sơwì iăt ală jơnau đơs pơgồp bal, lơh gơs jơnau yal nàng ngai 26 nhai 9 tus yal Cíñ phủ ring bal mờ yal Quốk hội tàm pơrjum dơ̆ 6 tus.