VOV4.K’ho - Tơnkah 115 nam ngai deh Tổng Ƀí thư ƀồc ồng Trường Chinh (09/02/1907-09/02/2022), drim òr (09/02), Họk viện Cíñ trị Dà lơgar Hồ Chí Minh bơyai lơh pơrjum cri bơyai Khoa họk: Ồng Trường Chinh-Kwang đơng lam tam gơl pa, bơceh lơh.

Ală jơnau đơs tàm pơrjum cri bơyai pơn jăt tai đơs: Ồng Trường Chinh là kwang đơng lam jăk chài ngan Đảng mờ Dà lơgar dê, cau bơsram jăk ngan bơh Củ tịc Hồ Chí Minh dê. Dùl tàm ală broă lơh jăk chài ngan bơh ƀồc ồng Trường Chinh dê là bal mờ Đảng dà lơgar kơlôi sơnơng, ai geh tơngu me mờ gơs cau lơh ai broă tam gơl pa tơl ală bơta tàm lơgar Việt Nam in, tàm hơ̆ lài jơh là kơlôi sơnơng, tam gơl pa bồ tơngoh bè lơh sa. 81 sơnam, rơlao 60 nam lơh broă kăc màng ƀồc ồng Trường Chinh neh geh uă broă pơgồp bal tus mờ broă kăc màng Đảng mờ làng bol dê.

Cau mblàng Ndong Brawl