VOV4.K’ho - Drim òr (28/03), tàm càr Quảng Ninh, Hội đồng Lý luận Dà lơgar, Ƀộ sền sơwì sră ƀăo Kộng sản mờ Tỉñ ủy Quảng Ninh pơgồp bal bơyai lơh pơrjum cri bơyai khoa họk kấp dà lơgar “priă bal mờ bơta pràn ai broă brồ guh wơl mờ tơnguh bơtàu lơh sa mpồl bơtiàn tàm bơta gơdờp niam ờ do ờ dă, ndrờm bal, sền gròi geh cồng nha kòp kovid-19-Nùs nhơm kơlôi sơnơng bơh dà lơgar bal mờ broă lơh bơh ală càr, ƀòn dờng dê”.

  Pơrjum cri bơyai Khoa họk bè priă bal mờ bơta geh ai broă brồ guh wơl mờ tơnguh bơtàu lơh sa mpồl bơtiàn

Đơs tàm pơrjum cri bơyai, ồng Nguyễn Xuân Thắng, Củ tịc Hội đồng Lý luận Dà lơgar neh ai tơlik broă lơh pa tàm broă hòi jà, lơh mờ ngui geh cồng nha ală bơta priă, ai geh bơta pràn pa broă brồ guh wơl mờ tơnguh bơtàu lơh sa mpồl bơtiàn. Ală kwang bàng neh mblàng bè broă bơsong ală bơta priă mùl màl bè bơta pràn priă dà lơgar, ù tiah, cau lơh broă; thể cế tơnguh bơtàu khoa họk, kông nghệ mờ tam gơl bơceh lơh; broă lơh nam priă jền; bơta pràn mpồl bơtiàn; gàr niam rài kis lơh broă sa mpồl bơtiàn; bơta geh bơta chài rơgơi; bơta pràn ngui kông nghệ mờ tơnguh broă pơgồp bal đah ală gah lơh sa; brồ guh gah nhơl chờ; tơnguh uă cồng nha atbồ càr, ƀòn dờng; tơnguh bơta pràn bơh tiah bơdìh dà lơgar dê.

Cau mblàng Ndong Brawl