VOV4.K’ho - Di tơnkah 50 nam tam lơh jai pha Đăk Tô-Tân Cảnh, drim òr (22/04), Ƀộ Quốk phòng đơng lam pơgồp bal mờ Tỉñ ủy Kon Tum bơyai lơh dơ̆ pơrjum Khoa họk kấp Ƀộ Quốk phòng mờ tơngu me: “Jai pha Đăk Tô-Tân Cảnh-Bơta kwơ rài lài do mờ jơnau bơsram broă mờng chài”.

  Pơrjum cri bơyai khoa họk “Jai pha Đăk Tô-Tân Cảnh-Bơta kwơ rài lài do mờ jơnau bơsram broă mờng chài”

Mờ rơlao 80 jơnau yal, jơnau đơs neh lơh loh nùs nhơm ờ niam bơh lơgar Mỹ bal mờ gơnoar atbồ Sài Gòn lài do; Bơta geh mờ bơta pràn bơh kăc màng đah jum dà lơgar mờ jơnau kờñ bơyai lơh dơ̆ sò tơm jai pha kơrnoăt lơh jai dùl bơta tờm bơh broă lơh jŏ jòng “Lơgar Việt Nam tam lơh is lơgar Việt Nam dê”. Pơrjum cri bơyai neh pơgồp bal lơh loh, niam rơlao tai ală broă lý luận mờ mùl màl geh ai ling klàng dê, sền gàr dà lơgar, pơgồp bal tàm broă lơh geh cồng nha broă bơ̆t bơtàu mờ sền gàr dà lơgar tàm bơta pa. Mờ pơgồp bal tàm broă bơto bơtê bơhiàn ờs mờng tam lơh kăc màng, bơtơl nùs nhơm kờñ gơboh mờ dà lơgar, nùs nhơm pơn yờ să kòn cau ai kwang bàng, cau ling mờ làng bol in.

Cau mblàng Ndong Brawl