VOV4.K’ho - Drim òr (04/10), tàm Hà Nội, Viện Hàn lâm Khoa họk xã hội Việt Nam bơyai lơh pơrjum cri bơyai khoa họk “Khoa họk xã hội ñân văn bơh 10 nam lơh jăt Nghị quyết sồ 20 bè tơnguh bơtàu khoa học mờ kông nghệ”.

                 Pơrjum cri bơyai “Khoa họk xã hội mờ ñân văn bơh 10 nam lơh jăt Nghị quyết sồ 20”

Jăt ală kwang bàng đơs, bơh tŭ geh tơlik, Nghị quyết sồ 20 neh ai tơl bơta niam bal mờ bơta pràn ai broă tơnguh bơtàu khoa họk mờ kông nghệ gùt lơgar in. Bơh tŭ hơ̆ ai geh ală cơng tàng di tŭ tàm broă tơnguh uă bơta pràn đơng lam bơh Đảng mờ geh ngui, geh cồng nha lơh broă bơh mpồl lơh broă cíñ trị; tam gơl pa broă tơnguh bơtàu lơh sa; geh uă broă pơgồp bal mùl màl tàm broă gàr niam bơta kơ̆ kơl jăp cíñ trị mờ jơnau ai geh ală gùng dà broă lơh tam gơl pa broă gơguh, tơnguh uă bơta niam gơguh, tơnguh uă cồng nha broă lơh bal mờ bơta pràn tàm pơrlòng bơh gah lơh sa dê; tơnguh bơtàu ală mpồl lơh khoa họk xã hội mờ ñân văn pràn, ală cau khoa họk lam lài gah lơh broă. Mơya, tàm broă lơh jăt Nghị quyết kung gam uă bơta kal ke. Uă broă lơh bơh ală cau khoa họk ờ geh sền là broă lơh khoa họk; den tàng pal: Pơn jăt tai tam gơl bồ tơngoh kơlôi sơnơng, jơnau git wă bè gơnoar bơh khoa họk xã hội mờ ñân văn; geh broă ai lơh ndrờm bal mờ bơta kwơ màng bơh gah do; tơnguh bơtàu mpồl cau jăk chài; mùl màl jơh ală broă lơh adăt boh lam nàng bơsong ală jơnau gam gơlời tàm Nghị quyết sồ 20.

VOV.vn-Cau mblàng Ndong Brawl