Tàm bơta lơh sa mpồl bơtiàn gơtìp kal ke bè tŭ do, Pơrjum cri bơyai geh kơ̆p gơn tơnguh bơta ngăc ngar, jơh nùs, geh kơnòl bơh git nđờ rơhiang nă cau jăk, cau khoa họk, mpồl lơh sa kă bro tàm lơgar mờ lơgar bơdìh bal mờ kwang bàng Quốk hội... “ai geh” ală broă lơh bè kơrnoăt nàng tơnguh bơta tàm dơlam is, ai geh bơta pràn gơguh lơh sa mờ bơtàu tơnguh kơl jăp.

Pơrjum cri bơyai là dơ̆ nàng sền wơl tơl ală bơta bơh dunia mờ tàm lơgar, mùl màl là ală bơta ờ pràn, bơta kal ke, tiah gơkòl, bơh tŭ hơ̆ ai geh broă lơh nàng gơdờp mờ bơta pa, ai geh ală bơta pràn gơguh lơh sa mờ bơtàu tơnguh kơl jăp in. Pơrjum cri bơyai kung là dơ̆ nàng tơlik dùl jơnau yal: Quốk hội, Cíñ phủ, ală anih lơh broă atbồ dà lơgar sùm lòt bal mờ ală mpồl lơh sa kă bro nàng lơh geh ală jơnau kờñ brồ guh wơl bơta gơguh lơh sa bal mờ ală bơta gơkòl bơh drà kă bro nàng lơh geh ală jơnau kờñ bal neh geh ai tàm broă bơtàu tơnguh lơh sa mpồl bơtiàn.