Pơrjum cri bơyai Lý luận dơ̆ do geh tơngu me “Broă mờng chài bè bơceh pa atbồ mpồl bơtiàn tàm rài yal tơngit jơnau sồ”. Đơs tàm pơrjum, ồng Nguyễn Xuân Thắng, Kwang geh jơng tàm Ƀộ Cíñ trị, Củ tịc Hội đồng Lý luận Dà lơgar, Kwang atbồ Hìu bơsram Họk viện Cíñ trị Dà lơgar Hồ Chí Minh đơs loh jơnau git bơh Đảng Kộng sản Việt Nam sùm sền kwơ, ai uă broă atbồ mpồl bơtiàn tàm rài yal tơngit jơnau sồ.

Rài lơh sa mờ măi mŏk dơ̆ 4 mờ broă gơlik geh uă bơh kông nghệ pa ai tus uă bơta pa gơwèt mờ broă Đảng đơng lam atbồ tơnguh bơtàu mpồl bơtiàn. Tàm Pơrjum cri bơyai, Kwang lam bồ bàr đah ndrờm đơs tus bơta kwơ màng bơh broă tơnguh cri bơyai lý luận đah bàr Đảng tàm bơta pa.