. Jơnau yal bơh Mpồl đơng lam dà lơgar bè rơcang sơndră trồ tiah lơh aniai dê pà git, bơh bồ nam 2023 tus tŭ do, trồ tiah lơh aniai gơlik geh tàm ală bă tiah, lơh gơbàn hoàc huơr uă ngan bè kòn bơnus mờ phan bơna, lơh gơ rềng tus broă lơh sa suơn sre, tàm hơ̆ uă ngan là tàm ală bơta trồ tiah lơh aniai là mìu dờng, dà kŏ dà cò, tơrlah ù, tơrlah gah dà dờng, gah dà lềng.

Đơs pơn dut tàm dơ̆ lơh broă, Phó Thủ tướng ồng Lê Minh Khái đơs nền, Cíñ phủ, Thủ tướng Cíñ phủ jơh nùs sền gròi, bal mờ ală tiah bơsong jơnau gơ lời wơl bơh trồ tiah lơh aniai nàng gàr niam rài kis làng bol dê. Đơs loh broă bơsong jơnau gơ lời wơl bơh trồ tiah lơh aniai sồr pal “Lơh nền mhar”, Phó Thủ tướng ồng Lê Minh Khái sồr, ală Ƀộ, gah broă lơh cribơyai, ai jơnau đơs nàng ring bal yal Thủ tướng Cíñ phủ in sền sơ wì lơh nền, bơsong di tŭ, geh cồng nha, di jơnau kờñ, di jơnau cih bơh adat boh lam dê.