VOV4.K’ho- Ngai 15/08, Mpồl tam klăc bơtàu tơnguh bơta niam chài mpồl lơh sa kă bro Việt Nam pà gĭt: Pơrjum dà lơgar “Bơta niam chài mờ mpồl lơh sa kă bro” dơ̆ 2 geh bơyai lơh tàm Hà Nội tàm nhai 11 nam do. Pơrjum nam do geh 3 broă lơh tờm là: pơrjum mờ tơngume “Lơh niam wơl bơta niam chài- bơnàng jă bơtàu tơnguh wơl mờ bơatàu tơnguh lơh sa kơ̆ kơljap”; “Dơ̆ jờng rơ mờ jàu sră dờp mpồl lơh sa kă bro geh tơl khà niam chài kă bro nam 2022; “Lam mpồl cau ala mat Mpồl lơh sa kă bro tìp mat mờ kwang đơng lam bồ Đảng mờ Dà lơgar”.

Nghệ sỹ ñân zân ồng Vũ Ngoạn Hợp, Phó Củ tịc thường trực Mpồl tam klăc bơtàu tơnguh bơta niam chài mpồl lơh sa kă bro Việt Nam pà gĭt: Ală broă lơh bơh dơ̆ pơrjum dê  geh pơgồp bơnah sơlơ tơnguh broă bơt bơtàu bơta niam chài mpồl lơh sa kă bro, bơta niam chài lơh sa kă bro tàm mpồl bơtiàn mpồl lơh sa kă bro Việt Nam dê tàm lơgar mờ lơgar ndai, hời rơ hời crơng gơs ală bơta mùl gŏ pơn rơ ngan bơh bơta niam chài lơh sa kă bro Việt Nam dê, di pal mờ jơnau sồr bơtàu tơnguh kơ̆ kơljap mờ mut gơ rờm bal mờ dunia.   

Cau mblàng K’Hạnh