Đơs pơndŭt tàm pơrjum, Thủ tướng ồng Phạm Minh Chính jờng rơ ală jơnau đơs di pal ngan, jơh nùs ngan, geh kơnòl ngan mờ di mờ bơta geh ngan bơh ală kwang bàng dê bè tơl tơngume tam gơl pa sră nggal gơnoar atbồ.

Mờ nùs nhơm lơh ngan uă, pơn đơl pràn lơh ngan, lơh broă kràñ cê jơh nùs, geh cồng nha bơh Thủ tướng dê sồr ală ƀộ, gah broă, ală tiah, ală kwang bàng Mpồl Sồr lơh dê yờ tơnguh uă nùs nhơm geh kơnòl, lơh jat niam nùs nhơm gam geh, pơn jat tai “gàr niam broă lơh”, lam lơh jat mơ tơn ală kơnòl broă, broă lơh lơh pràn tam gơl pa sră nggal gơnoar atbồ dùl bă ngan ngồn, cèng wơl cồng nha geh ngan, loh làng, sền gĭt gơtùi, tơrmù priă tă lơh ai làng bol mờ mpồl lơh sa kă bro in, tơnguh uă bơta pràn tàm pơrlòng bơh phan bơna, phan bơna kă bro mờ rài lơh sa, pơgồp bơnah sơlơ tơnguh lơh geh cồng nha ală jơnau kờñ, kơnòl broă bơtàu tơnguh lơh sa- mpồl bơtiàn nam 2024 mờ ală nam pơn jat tai.