VOV4.K’ho - Ngai òr (14/07), tàm hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam pơrjum dơ̆ 3 Mpồl đơng lam Dà lơgar lơh jăt jơnau hơ bơh lơgar Việt Nam tàm Pơrjum COP 26.

                           Thủ tướng ồng Phạm Minh Chính geh jơnau đơs tàm pơrjum

Đơs tàm pơrjum, Thủ tướng ồng Phạm Minh Chính sồr Mpồl đơng lam lơh jăt niam kơnòl neh geh ai, bơsong ală kal ke, ală kơrnoăt, adăt boh lam nàng ai geh bơta ƀuơn lơh jăt jơnau hơ bơh lơgar Việt Nam tàm pơrjum COP26 dê. Thủ tướng kung sồr ală kwang bàng cri bơyai tơrgùm tàm bơta tờm, kwơ màng là ai geh broă lơh, ală ƀộ, gah lơh broă dà lơgar tàm tơngu me gơnoar geh ai bơyai lơh jăt. Ală càr, ƀòn dờng kung neh git mờ bơyai lơh jăt bè ală jơnau hơ tàm Pơrjum COP26, tàm hơ̆ uă ngan bè jơnau kờñ tơmù broă tơlik gời ndrờm “o” tàm nam 2050 bơh broă lơh jăt ală sră nggal adăt boh lam, ală sră nggal bơto sồr bơh anih lơh broă dà lơgar.

Cau mblàng Ndong Brawl