VOV4.K’ho- Ngai do, 30/05, Pơrjum dơ̆ 3, Quôk hội khoá 15 mut tàm poh lơh broă dơ̆ 2. Jat broă lơh, drim do Quôk hội iăt jơnau yal bơh Mpồl jat sền mờ cribơyai tàm hìu pơrjum bè broă lơh jat broă lơh, adat boh lam tàm broă lơh rơndap ù tiah kờp bơh tŭ Adat rơndap ù tiah geh mut ngui ngan ngồn. Do là broă kwơ màng, tài bơh di lah rơndap ù tiah geh lòt lài dùl cơn đòa, lơh jat tŭ tơngai , bơta niam geh dong sơlơ bơtàu tơnguh lơh sa- mpồl bơtiàn dà lơgar dê.

Bơdìh mờ dơ̆ pơrjum ngai do, tàm poh do, Quôk hội gam lời 2 ngai lơh broă nàng pờ tơlik jơnau đơs mờ sơnnio rùp tơn. Hơ̆ là ngai 1 mờ ngai 2 nhai 6 tus, cribơyai bè jơnau sền sơ wì bơtơl cồng nha lơh jat rơndap broă lơh bơtàu tơnguh lơh sa-mpồl bơtiàn mờ kes priă dà lơgar nam 2021; bơta lơh jat broă rơndap lơh bơtàu tơnguh lơh sa- mpồl bơtiàn mờ kes priă dà lơgar bồ nam 2022; broă tơn jơh lơh jat Nghị quyết sồ 42 nam 2017 bè lơh tơrlòng lài bơsong dồs ờ niam bơh ală mpồl ai càn priă mờ broă tơn jŏ tŭ tơngai ngui jơh ală jơnau sồr bơh Nghị quyết do dê.

Cau mblàng K’Hạnh