Ngai 24/10, pơrjum dơ̆ 4, Quôk hội khoă 15 mut tus poh lơh broă dơ̆ 2. Tàm poh lơh broă do, Quôk hội cribơyai uă tơngume kuơmàng. Pal sền gròi là Quôk hội lời 2 ngai nàng cribơyai tàm hìu pơrjum bè: Cồng nha lam lơh broă rơndap lơh bơtàu tơnguh lơh sa - mpồl bơtiàn nam 2022; kờp dŭ broă rơndap lơh bơtàu tơnguh lơh sa - mpồl bơtiàn nam 2023; broă lam lơh kes priă dà lơgar nam 2022, kờp dŭ lài tă dơ̆ ngui kes priă dà lơgar, broă rơndap lơh bơcri priă ai bơh kes priă dà lơgar, rơndap broă tam pà kes priă dà lơgar nam 2023.

Quôk hội cribơyai tơn bè broă lơh sa - mpồl bơtiàn mờ kes priă

Ală dơ̆ pơrjum do geh pờ tơlik jơnau đơs - sơñio rùp tơn nàng cau tĕ khà mờ làng bol in geh iat mờ sền. Bè bơt bơtàu Adat boh lam, pal sền gròi là Quôk hội cribơyai tàm hìu pơrjum bè 2, 3 tơngume gam geh jơnau đơs krơi is bơh ală rơndap lơh Adat boh lam dê, geh: Adat kham, sơm kòp (tam gơl), adat Lùp sền (tam gơl), Adat nhơm zờu (tam gơl), Adat rơcang sơndră lơh pờng tàm hìu bơnhă (tam gơl).