Đơs đơng lam pơrjum, Thủ tướng ồng Phạm Minh Chính pà gĭt, tàm tơngai pa geh uă dà lơgar gơtìp kal ke tàm broă rcang lài pleh mờ tam gơl nhơm trồ tiah, den tàng bàr pe lơgar neh geh ală jơnau kờp sền lời ing wơl tàm broă lơh jat ală jơnau hơ pơrgon bơh he dê tàm COP 26. Mơya bơtàu tơnguh tơlir, tam gơl năng lượng, tơrmù sang sồ siă bơdìh là broă lơh ờ tŭ lơi pleh klàs, ờ gơtùi lơh sơlơ̆u wơl, do là tơngume neh geh đơs nền tàm COP 26.

Thủ tướng ồng Phạm Minh Chính đơs sùm, broă lơh jat jơnau kờñ jơnau hơ pơrgon bơh lơgar Việt Nam dê tàm COP 26 sồr pal lơh broă mờ nùs nhơm lơh ngan uă, pơnđơl pràn lơh ngan dờng, kràñ cê jơh nùs rlau tai nàng hòi jà tơl priă jền lơh jat ală rơndăp broă lơh. Thủ tướng sồr ală kwang bàng tàm Mpồl Sồr lơh tă pơgồp jơnau đơs bè tam gơl tơngume adat boh lam lơh geh bơta ƀuơn ƀoài ai bơcri priă bơh mpồl lơh sa kă bro, ală lơgar dê tàm tam gơl năng lượng mờ ală broă ndai mờ kwang bàng tàm Mpồl Sồr lơh, ală Ƀộ, gah broă, ală tiah dê sền gròi, gàr niam lơh jat di tŭ tơngai, bơta niam bơh dơ̆ pơrjum dê.