Jat jơnau kờp dŭ lài, Quôk hội pơrjum tơrgùm tàm Hìu Quôk hội mờ geh lơh jat 2 dơ̆: Dơ̆ 1 bơh ngai 22 nhai 5 tus ngai 10 nhai 06 mờ dơ̆ 2 bơh ngai 19 nhai 6 tus ngai 23 nhai 6.

Pơrjum do, Quôk hội rơ̆p sền sơ wì, ring bal 8 adat, tàm hơ̆ geh: Adat sền gàr gơnoar kwơ cau ngui sa (tam gơl); Adat tàm pơrlòng giă (tam gơl); Adat Giá (tam gơl; Adat lơh broă điện tử (tam gơl); Adat Hợp ták xã (tam gơl); Adat rcang gàr làng bol; Adat tam gơl, bơtơl bàr pe bơta bơh Adat Kwang àng làng bol; Adat tam gơl, bơtơl bàr pe bơta bơh Adat lik mờ mŭt tàm lơgar he bơh làng bol lơgar Việt Nam dê mờ Adat lik mờ mut tàm lơgar, lòt tàm lơgar ndai ơm kis ing bơh làng bol lơgar ndai tàm lơgar Việt Nam. 8 rơndap broă lơh adat kung rơ̆p geh Quôk hội tă pơgồp jơnau đơs, tàm hơ̆ geh: Adat Ù tiah (tam gơl); Adat kă bro ù tiah hìu đam (tam gơl); Adat Hìu ơm (tam gơl); Adat phan kwơ tàm dà (tam gơl); Adat Viễn thông (tam gơl); Adat Atbồ, sền gàr broă lơh sền gàr dà lơgar mờ tiah ling klàng; Adat Kăn kươk làng bol (tam gơl); Adat Ală mpồl ai càn priă (tam gơl).