Tàm hơ̆ geh pơgồp jơnau đơs tàm ală tơngu me drơng pơrjum dơ̆ 5, Quốk hội khoă XV mờ sền wơl, pơgồp jơnau đơs tàm ờ uă tơngu me kwơ màng gơrềng tus broă kòn cau.

Tus pơrjum geh Kwang geh jơng tàm Ƀộ Cíñ trị, Phó Củ tịc Thường trựk Quốk hội ồng Trần Thanh Mẫn. Đơs tàm dơ̆ đơng lam pơrjum, Phó Củ tịc Thường trựk Quốk hội ồng Trần Thanh Mẫn đơs tờm, Đảng mờ Dà lơgar sùm sền gròi, ai geh mờ lơh uă gùng dà broă lơh kòn cau in, pơgồp bal tàm broă lơh geh bơta kơl jăp, tơnguh bơtàu, tơnguh uă ală bơta tàm rài kis phan bơna mờ nùs nhơm ai làng bol ală kòn cau in. Tơlik loh bơh Broă lơh Cíñ phủ mờ lơh jăt broă jăt sền tàm nggùl tơngai bơh Quốk hội bè broă lơh jăt Nghị quyết sồ 88 mờ Nghị quyết sồ 120 Kĭ rơndăp broă tơrgùm bal mờ Gùng dà bơcri priă lơh jăt jơnau kờñ dà lơgar dê tơnguh bơtàu lơh sa mpồl bơtiàn tiah làng bol kòn cau mờ tiah kơh bơnơm tơngai bơh nam 2021 tus 2030.