5 nam do, lơh Jơnau hòi jà jơh nùs Pơrjum dờng dơ̆ III, broă lơh jơi bơtiàn, ală broă lơh, broă dong kờl jơi bơtiàn geh càr Kon Tum lơh jat geh uă cồng nha kwơ màng. Pơn rơ ngan là dơ̆ hòi jà “Lơh tam gơl bơta mờng sơnơng, bơta mờng  lơh bơh làng bol jơi bơtiàn dồ ết nă cau dê, lơh ai làng bol jơi bơtiàn dồ ết nă cau in brồ guh lik klàs rƀah kơ̆ kơl jăp” dong rlau 15 rơbô 300 hìu bơnhă rƀah, hìu bơnhă pa lik klàs rƀah kơ̆ kơl jăp. Bơh priă broă lơh dê, càr Kon Tum neh bơcri lơh niam wơl, lơh pa rlau 1 rơbô 160 broă lơh bơt bơtàu phan bơna tàm tiah jơi bơtiàn dồ ết nă cau dong làng bol in ƀuơn ngan tàm broă lơh broă sa, bơtàu tơnguh lơh sa mờ rài kis.

Pơrjum dờng pơn jat tai đơs nền gùng dà broă lơh ờ tŭ lơi tam gơl bơh Đảng mờ Dà lơgar dê bè broă jơi bơtiàn mờ tam klăc dờng jơi bơtiàn. Pơrjum dờng jờng rơ 11 mpồl cau, 25 nă cau dồ nă să is geh cồng nha jak mờ jak ngan tàm broă lơh jơi bơtiàn, broă dong kờl jơi bơtiàn.