VOV4.K’ho- Tơnơ̆ 2 ngai lơh broă, drim ngai 14/10, Pơrjum dờng cau ala mat Đoàn Ơruh pơnu Kộng sản Hồ Chí Minh càr Gia Lai dơ̆ 15, tơngai lơh broă bơh nam 2022-2027 lơh geh cồng nha niam bơnĕ. Pơrjum neh ring bal ală broă jàu bơh tơngai lơh broă bơh nam 2022-2027 dê.

Tàm hơ̆, pah nam, 100% kwang bàng Đoàn, đoàn viên, 80% ơruh pơnu geh bơsram, mblàng bơsram, mblàng yal, yal tơngĭt Nghị quyết bơh Đảng, broă lơh Adat boh lam bơh Dà lơgar mờ Nghị quyết, jơnau đơs pơndŭt, gùng dà broă lơh bơh Đoàn dê. Rề ơnàng krơh niam, jơnau niam tàm broă bơsram mờ lơh jat bồ tơngoh, nùs nhơm, broă lơh mờ rài kis Hồ Chí Minh dê. Pah tam, tam pa ết ngan rlau jơh 300 rơbô tờm chi. Pơgồp bal lam lơh bơto pơlam, pơlam broă lơh ai rlau 40 rbô nă ơruh pơnu làng bol kòn cau dùl ết nă cau in; bơto pơlam, yal tơngĭt broă lơh ai 20 rơbô nă ơruh pơnu in... Pơrjum neh pồ Ƀan Cấp hàñ Tỉñ Đoàn Gia Lai khoá 15 tàm hơ̆ geh 40 nă; Ƀan Thường vụ Tỉñ Đoàn geh 11 nă; ală cau ala mat kung neh pồ 11 nă cau ala mat ngan ngồn tus bal Pơrjum dờng cau ala mat Đoàn ơruh pơnu Kộng sản Hồ Chí Minh gùt lơgar dơ̆ 12, tơngai lơh broă bơh nam 2022-2027.

VOV Tây Nguyên- Cau mblàng K’Hạnh