VOV4.K’ho- Mờ jơnau sồr lơh broă “Khin cha, bơta kơ̆p kờñ, lam lài, bơceh pa”, drim ngai 12/10, 450 nă cau ala mat jak ngan rơnàng kơnòm să jơh gùt mpồl ling dê neh tus bal ngan ngồn dơ̆ Pơrjum dờng cau ala mat Đoàn Ơruh pơnu Kộng sản Hồ Chí Minh Mpồl Ling klàng dơ̆ 10 tơngai lơh broă bơh nam 2022-2027.

Đơs đơng lam dơ̆ pơrjum, ala mat Quân ủy Dà lơgar, Kwang đơng lam bồ Ƀộ Quôk phòng, Đại tướng ồng Phan Văn Giang cih dờp mờ jờng rơ uă ngan ală bơta tă pơgồp dờng màng bơh bơta gơguh jak, dờng pràn bơh ơruh pơnu mpồl Ling klàng dê; mơkung đơs sùm ală bơta kơnòl broă bơh kăc màng, bơh ling klàng dê tàm tơngai pa geh ơn tàm pơnì rơnàng kơnòm să dê đơs bal mờ ơruh pơnu ling klàng đơs is kơnòl broă kơn jơ̆ ngan.  Đơs loh kơnòl broă nàng lơh jat bơta pràn dờng màng ngan, gơnoar lam lài, bơceh pa bơh ơruh pơnu mờ broă lơh đoàn tàm hơ̆ Đại tướng ồng Phan Văn Giang đơs sùm pal sơlơ tơnguh broă lơh bơto bơtê cíñ trị, bồ tơngoh, nùs nhơm broă lơh mờ rài kis ai ơruh pơnu in, ai bơta pràn pơnđơl pràn lơh ngan lơh sir jak ngan tơl kơnòl broă geh jàu, pơgồp bơnah bơt bơtàu mờ sền gàr kơ̆ kơljap Dà lơgar Việt Nam xã hội củ nghĩa.

VOV Tây Nguyên- Cau mblàng K’Hạnh