Pram nam do, bŭ lah gơtìp uă kal ke tài bơh kòp Kovid-19, mơya ală broă lơh bơh mpồl cau jơngo măt Việt Nam ndrờm geh jăt jơnau kờñ neh geh ai, ngui niam gơnoar là hìu bal bơh rơlao 74 rơbô nă cau tàm mpồl dê.

Tơngai lơh broă bơh nam 2022 tus 2027, Mpồl cau jơngo măt Việt Nam pơn jăt tai tơnguh broă sền gròi, hơ mblàng lơh loh wơl jơnau mpồl bơtiàn, ai geh jơnau dan mờ Đảng, Dà lơgar bè ală broă dong kờl gơrềng tus mờ cau gơtìp ờ tơl niam in; pờ geh ală broă lơh sa, ai geh broă lơh kơl jăp, tơnguh uă bơta niam rài kis cau jơngo măt in. Tus mờ geh jơnau đơs tàm Pơrjum dờng, Kwang atbồ Ƀan Zân vận Dà lơgar mò Bùi Thị Minh Hoài sồr ală kấp mpồl pơn jăt tai lơh jăt ală gùng dà, broă lơh bơh Đảng mờ Dà lơgar tus mờ cau tàm mpồl; lơh jăt broă bơto akhar, bơto broă lơh, tơnguh uă bơta ngăc ngar ai kwang bàng tàm mpồl in. Tàm hơ̆ uă ngan là sền gròi uă rơlao tus mờ Mpồl cau jơngo măt tàm tiah kơh bơnơm, tiah ngài, tiah gơtìp kal ke.