Tus pơrjum dờng geh 178 nă cau ala măt là kwang bàng, cau tàm mpồl, ơruh pơnu jăk ala măt rơlao 151 rơbô nă ơruh pơnu gùt càr Dăk Nông dê.

Tơngai lơh broă bơh nam 2024 tus 2029, mờ jơnau geh ai “Ơruh pơnu càr Dăk Nông tam klăc – lam lài – kơ̆p kờñ sùm – bơtàu tơnguh”, Mpồl tam klăc ơruh pơnu Việt Nam càr Dăk Nông pơn jăt tai lơh jăt uă broă lơh bơ̆t bơtàu rơnàng ơruh pơnu geh bơta niam kăc màng, sùn nhơm kơ̆ dơn, kờñ gơboh dà lơgar, tơlik uă kơnòl broă gơwèt mờ ƀòn lơgar, dà lơgar, mpồl bơtiàn. Đoàn ơruh pơnu càr Dăk Nông ai geh tiah niam, bơsram niam bơsram sră, bơsram tàp, lơh broă, pơrài bồ tơngoh nàng ơruh pơnu bơtàu tơnguh niam, tơl ală bơta, lam lài, lơh broă nùs nhơm dong kờl is, bơceh lơh tàm broă sền gàr Dà lơgar mờ bơ̆t bơtàu bơtàu tơnguh lơh sa mpồl bơtiàn.