VOV4.K’ho - Pơn jăt tai broă lơh Pơrjum dờng kwang bàng ala măt cau ùr gùt lơgar dơ̆ 13, mho mờ mang òr (01/03), neh bơyai lơh Pơrjum Mpồl đơng lam Mpồl tam klăc cau ùr Việt Nam khoă 13 dơ̆ sơrnờp tơngai bơh nam 2022 tus 2027.

Pơrjum geh ala măt ală ƀan Đảng dà lơgar mờ 132 tàm 155 nă kwang bàng geh jơng tàm Mpồl đơng lam tus bal (geh khà 85%). Pơrjum neh tơrgùm cri bơyai lơh tờm mờ nùs nhơm lơh tờm bơ̆t bơtàu bè rơndăp broă kwang bàng Mpồl Củ tịc, rơndăp broă kwang bàng Củ tịc, Phó Củ tịc mpồl tam klăc cau ùr Việt Nam khoă 13, tơngai lơh broă bơh nam 2022 tus 2027. Tàm pơrjum, 100% kwang bàng geh jơng tàm Mpồl đơng lam geh măt neh pờ tê ring bal 31 nă kwang bàng geh pồ Mpồl Củ tịc Mpồl tam klăc cau ùr Việt Nam khoă 13. 100% kwang bàng geh jơng tàm mpồl đơng lam geh măt neh pồ mò Hà Thị Nga, kwang geh jơng Đảng dà lơgar, Kwang bàng ala măt Quốk hội khoă 15, Củ tịc Mpồl tam klăc cau ùr Việt Nam khoă 12 lơh Củ tịc Mpồl tam klăc cau ùr Việt Nam khoă 13.

Cau mblàng Ndong Brawl