VOV4.K’ho - Jăt broă rơndăp lơh, Pơrjum dờng kwang bàng ala măt Đoàn ơruh pơnu Kộng sản Hồ Chí Minh ling klàng dơ̆ 10 geh bơyai lơh bơh ngai 11 tus ngai 12 nhai 10, tàm càr lơgar Hà Nội, mờ broă tus bal bơh 450 nă kwang bàng bàng mùl màl.

Pơrjum dờng kwang bàng ala măt Đoàn ơruh pơnu Kộng sản Hồ Chí Minh ling klàng dơ̆ 10 geh kơnòl tơn jơh, sền wơl cồng nha broă đoàn mờ broă ơruh pơnu ling klàng 5 nam bơh nam 2017 tus 2022; ai geh gùng dà broă lơh, jơnau kờñ, kơnòl broă đoàn mờ broă ơruh pơnu ling klàng 5 nam bơh nam 2022 tus 2027; tơn jơh mờ jào khà pơn jờng ai ală mpồl, ală cau geh cồng nha jăk chài tàm mpồl lơh broă, lơh jăt broă “Ơruh pơnu Ling klàng bơsram tàp nùs nhơm, bơsram tàp bơta jăk chài, lam lài, bơceh lơh, jai pha” tơngai bơh nam 2017 tus 2022 mờ lam sồr broă pơrlòng tơngai bơh nam 2022 tus 2027. Pơrjum geh bơyai lơh pơgồp jơnau đơs tàm broă rơndăp cih ală sră nggal Mpồl đơng lam Đoàn khoă 11 yal mờ pơrjum dờng kwang bàng ala măt gùt lơgar Đoàn ơruh pơnu Kộng sản Hồ Chí Minh dơ̆ 12; pồ mpồl kwang bàng ala măt ơruh pơnu ling klàng tus pơrjum dờng kwang bàng ala măt gùt lơgar Đoàn ơruh pơnu Kộng sản Hồ Chí Minh dơ̆ 12, tơngai bơh nam 2022 tus 2027.

VOV.vn-Cau mblàng Ndong Brawl