Do là jơnau yal tàm pơrjum ƀăo bơh Anih duh broă Mặt trận Dà lơgar Việt Nam bơyai lơh drim ngai 4/10. Sră nggal Pơrjum dờng cau ala mat jơh gùt lơgar Mặt trận Dà lơgar Việt Nam dơ̆ 10 geh lơh tàm ală bơta jat tàm ală gùng dà broă lơh pa bơh Đảng, tơn jơh, sền sơ wì nền nòn ală bơta broă lơh Mặt trận bơh tàm kấp hơ đơm, tă pơgồp jơnau đơs uă tiah ală gah broă, ală mpồl cau, cau tàm mpồl mờ ală rơnàng làng bol mờ geh ală bơta pa pơn rơ ngan.

Bè Jơnau neh lơh nền kwang bàng yal tàm pơrjum dờng, kờp khà Kwang bàng Anih duh broă Mặt trận Dà lơgar Việt Nam khoă X là: 405 nă (gơguh 20 nă pơndrờm mờ khoă IX). Tàm hơ̆, geh pồ wơl là 249 nă (lơh geh khà 61,5%), cau pa là 156 nă (lơh geh khà 38,5%). Pơrjum dờng kung tam gơl, bơtơl Ală bơta Mặt trận Dà lơgar Việt Nam, tàm hơ̆ geh lơh loh kơnòl broă, gơnoar broă bơh Mpồl Củ tịc dê bè lam lơh ală dơ̆ hòi jà, ală srơh pơrlòng kờñ gơboh Dà lơgar cèng bơta gùt làng bol mờ tơl làm.