Jơnau yal tàm pơrjum dờng ai gŏ, 5 nam do, srơh tàm pơrlòng lơh ngan lơh geh jai pha neh tơnguh cồng nha, gơnoar broă lơh tờm bơh mpồl phàu crong càr Kon Tum dê tàm broă lam lơh jat kơnòl ling klàng, sền gàr dà lơgar, bơt bơtàu tiah rơcang gàr lài kơ̆ kơljap. Kwang bàng, cau ling mpồl phàu crong càr neh dong làng bol rlau 19 rbô ngai lơh broă, lơh 90 nơm hìu nùs nhơm, hìu tam klac dờng, hìu cau ling bal mờ kờp jơh khà priă mờr 6 tơmàn đông.

Tàm pơrjum dờng, jơnau tàm cribơyai bơh 7 mpồl bal, cau dùl nă să geh pơn rơ gơguh jak mờ ală jơnau đơs sồr lơh jơh nùs, niam ngan bơh Tỉñ ủy càr Kon Tum dê, bơh Gah đơng lam Quân khu 5 dê neh lơh loh nùs nhơm tam klac bal, bơceh lơh, pơn đơl pràn lơh ngan lơh gơs jak kơnòl broă bơh kwang bàng, cau ling mpồl phàu crong càr dê. Pơrjum dờng jờng rơ 33 mpồl bal, 57 nă cau dùl nă să geh pơn rơ gơguh jak.