05 nam do, broă pơrlòng geh sră jờng rơ mờ Srơh Tàm Pơrlòng lơh tus geh bơh Cau ling sền gàr tiah nhàr dà lơgar dê neh bơtàu tơnguh pràn kơl dang, ơnàng tàm gùt tiah, lơh geh uă cồng nha kwơ màng.

Bơta geh pơnrơ ngan là, ală anih lơh broă, mpồl lơh broă Cau ling sền gàr tiah nhàr lơgar neh sùm lam lài lơh gơs kơnòl broă cíñ trị, wèt bơta tờm tàm ală tiah; pơgồp bal nền nòn Srơh Tàm  Pơrlòng lơh tus geh mờ ală dơ̆ lam lơh dờng bơh Đảng, Dà lơgar, Ling klàng mờ ală tiah dê, ai geh ală mpồl lơh broă kăc màng , ală dơ̆ pơrjum cíñ trị nền nòn, lam lơh, lam sồr ală mpồl lơh broă, cau dùl nă să lơh ngan sùm nàng brồ guh. Ală cồng nha mờ ală mpồl lơh broă, cau dùl nă să neh lơh geh là cồng nha bơh broă lơ ngan sùm, bal mờ bơta phi să ngềt ngơ̆t, bơta ñhăp ñhar pơrlòng bơh ală kwang bàng, cau lin gùt mpồl ling, pơgồp bal tàm broă lơh àng gơcrà tai nùs nhơm niam  "Cau ling Wa Hồ”dê tàm rài pa.