Trung tướng Thái Đại Ngọc, Kwang bàng Đảng dà lơgar, Tư lệñ Quân khu 5 jờng rơ uă ngan ală srơh tàm pơrlòng pà khà jờng, tàm pơrlòng lơh tus geh bơh mpồl phàu crong càr Dăk Lăk dê tàm 5 nam do.

Trung tướng Thái Đại Ngọc đơs là, ală nam tus, bơta tàm dunia mờ tàm tiah do kờp dŭ lài rơ̆p pơn jat tai geh ală bơta gơlik geh kal ke, ờ gơtùi gĭt lài, tàm ù tiah Quân khu, ngan là tàm ù tiah Tây Nguyên kung gam là dùl tàm ală tiah tờm digơlan pơhìn lơh roh bơta kơ̆ kơl jăp, jơnau sồr, kơnòl broă sền gàr Dà lơgar tàm bơta pa geh ai lơh jat ngai sơlơ uă. Bơh hơ̆, Ƀộ Tư lệñ Quân khu sồr Đảng ủy- Mpồl duh broă tàm pơrlòng pà khà jờng, Gah đơng lam mpồl ling klàng càr Dăk Lăk tơrgùm đơng lam, sồr lơh jat niam ală tơngume tờm.