VOV4.K’ho - Drim òr (25/04), Ủy ƀan Sền swì dà lơgar bơyai lơh pơrjum gùt lơgar tam jào broă sền swì, jăt sền quý 1 nam 2022, lơh jăt kơnòl quý 2 nam 2022 jăt broă lơh pơrjum tơn mờ pờ tơlik tàm internet tàm ală tiah tàm gùt lơgar.

Ồng Trần Cẩm Tú, kwang geh jơng tàm Ƀộ Cíñ trị, Ƀí thư Đảng dà lơgar, Kwang atbồ Ủy ƀan sền swì dà lơgar đơng lam pơrjum tàm anih pờ tơlik tàm Hà Nội. Quý 1 nam 2022, khà ală dơ̆ sền swì ală kấp gơguh pơn drờm mờ tŭ do nam lài, ngan là sền swì tŭ geh tơngŏ tìs. Broă jăt sền geh uă tam gơl pa, sền kwơ nàng tơnguh uă bơta niam, cồng nha broă jăt sền, broă bơsong jơnau yal yă, yal khài di tŭ. Nàng lơh gơs broă, rơndăp broă lơh tàm nam 2022 neh geh ai, Ủy ƀan Sền swì Dà lơgar ai geh ờ uă kơnòl mùl màl, tàm hơ̆ sồr kấp ủy, Ủy ƀan sền swì ală kấp pal rơcang, tus bal mờ pràn kơl dang rơlao tàm broă đơng lam, lam sồr mờ lam lơh jăt broă sền swì, jăt sền mờ lơh jăt broă lơh glài, pơgồp bal niam tàm broă bơ̆t bơtàu lơh niam wơl Đảng mờ mpồl lơh broă cíñ trị.

Cau mblàng Ndong Brawl