Drim ngai 05/12, Ƀộ Cíñ trị, Ƀan Ƀí thư Đảng dà lơgar bơyai lơh Pơrjum jơh gùt lơgar kơlôi sơnơng, bơsram, bơsram lơh jat Nghị quyết Pơrjum dà lơgar dơ̆ 6, Ƀan Cấp hành Đảng dà lơgar khoá 13, mờ broă lơh pờ tơlik tơn tàm internet, tàm tơrbŏ bal mờ anih lơh broă dà lơgar tàm Anih pơrjum Diên Hồng (Hìu lơh broă Quốc hội dê) mờ tàm tơrbŏ bal ală anih tàm gùt lơgar.

Tàm pơrjum, ală kwang bàng iăt kơno ală tơngume bè “Pơn jat tai lơh mờ lơh sir Dà lơgar gơnoar adat boh lam xã hội củ nghĩa Việt Nam tàm tơngai pa”; “Pơn jat tai lơh pràn dà lơgar lơh sa mờ măy mok lơm tus nam 2030, rơndap broă lơh tus nam 2045”; “Pơlam gùng dà rơndap ù tiah tơrgùm bal dà lơgar tơngai bơh nam 2021-2030, rơndap broă lơh tus nam 2050”. Bè kơnòl broă, gùng dà broă lơh tờm pơn jat tai lơh mờ lơh sir Dà lơgar gơnoar adat boh lam  xã hội chủ nghĩa Việt Nam tơngai pa, Kwang atbồ Ƀan Nội cíñ dà lơgar ồng Phan Đình Trạc pà gĭt, pơn jat tai lơh pràn broă mblàng yal, yal tơngĭt bơto bơtê, tơnguh uă bơta gĭt wă bè Dà lơgar gơnoar adat boh lam xã hội củ nghĩa Việt Nam.