VOV4.K’ho - Tàm pơrjum gùt lơgar Tơn jơh broă bơyai bơ̆t bơtàu Đảng nam 2021, lơh jăt kơnòl nam 2022, geh bơyai lơh tàm drim òr (13/01), Ủy viên Ƀộ Cíñ trị, Ƀí thư Đảng dà lơgar, Kwang atbồ Mpồl drơng broă Đảng dà lơgar mò Trương Thị Mai đơs loh: tàm broă tơn jơh broă tơmù biên cế tơngai bơh nam 2016 tus 2021, geh ai biên cế bơh mpồl lơh broă cíñ trị tơngai bơh nam 2021 tus 2026.

Đơs tàm pơrjum, mò Trương Thị Mai đơs loh, nam 2022 là nam geh kuơ màng, ai geh tơngu me lơh jăt ală jơnau kờñ bơh Nghị quyết pơrjum dờng dơ̆ 13 Đảng dê. Đơs tờm broă geh sùm jơnau pơlam lơh jăt ală mpồl broă lơh bơh Jơnau đơs pơn dŭt sồ 21 bè chồl pràn broă bơ̆t bơtàu, lơh niam wơl Đảng mờ mpồl cíñ trị, mò Trương Thị Mai pà git tus do geh yal ờ uă kơ cế broă lơh tơrlòng bè gùng dà broă lơh cau lam bồ rơwah yal kwang bàng tàm rơndăp săp sèng nàng tĕ khà, tơn pồ lơh kấp phó.

Cau mblàng Ndong Brawl