Đơs tàm dơ̆ đơng lam pơrjum, jơnau đơs pơn dŭt pơrjum, ồng Lương Cường, Kwang geh jơng tàm Ƀộ Cíñ trị, Duh broă sùm Ƀan Ƀí thư đơs nền tus jơnau kờñ lơh jăt Jơnau lơh nền sồ 144 mờ Jơnau sồr sồ 35 nền nòn, geh cồng nha, ai geh tam gơl loh làng bè jơnau git wă bal mờ broă lơh tàm gùt Đảng, mpồl lơh broă cíñ trị, tơnguh bơta ring bal tàm mpồl bơtiàn mờ làng bol.

Tàm hơ̆, gơwèt mờ Jơnau lơh nền sồ 144, tơl kấp ủy, mpồl đảng, kwang bàng, đảng viên pal sùm tơnguh uă jơnau git wă bè bơta kwơ màng bơh Jơnau lơh nền, git ală bơta, wă nền nòn Jơnau lơh nền; sền kwơ gơnoar broă, kơnòl broă bơh ci ƀộ, ci ủy, tàm hơ̆ uă ngan là cau lam bồ kấp ủy tàm broă lơh jăt, bơyai lơh jăt Jơnau lơh nền; tơl kwang bàng, đảng viên pal bơsram is, lơh ngan, bơsram bơtơl, bơsram tàp, “sền is”, “lơh wơl is” jăt bơta niam nùs nhơm kăc màng dê.