VOV4.K’ho- Drim ngai 18/5, tàm Hìu lơh broă Đảng dà lơgar, Ƀan Ƀí thư bơyai lơh Pơrjum gùt lơgar mblàng yal mờ lam lơh jat Nghị quyết sồ 6 ngai 24/01/2022 bơh Ƀộ Cíñ trị dê “Bè rơndap ù tiah bơt bơtàu atbồ mờ bơtàu tơnguh kơ̆ kơljap jŏ jòng sùm tiah drà Việt Nam tus nam 2030, broă wèt sền tus nam 2045”. Ồng Võ Văn Thưởng, Ủy viên Ƀộ Cíñ trị, Thường trựk Ƀan Ƀí thư neh tus bal mờ đơs đơng lam pơrjum. Đơs đơng lam tàm pơrjum, ồng Võ Văn Thưởng sồr, kâp ủy mpồl duh broă Đảng, kwang bàng đảng viên pal mblàng yal, ring bal jơnau git wă broă lơh tàm broă atbồ, rơndap ù tiah tiah drà, mờ kung mhar bơt bơtàu broă rơndap lơh, tŭ tơngai lam lơh, lam lơh ngan ngồn ală broă jàu geh đơs tàm nghị quyết, nùs nhơm là gàr niam rơndap ù tiah ring bal geh bơta niam, ai bơta niam kòn bơnus, broă drơng ala lơh tờm.

Cau mblàng K’Duẩn