VOV4.K’ho- Drim do 30/06, tàm Hà Nội, Ƀộ Cíñ trị bơyai lơh pơrjum gùt lơgar tơn jơh 10 nam broă lơh rcang sơndră sa kuề, sa kuà mờ bơta ờ niam tơngai bơh nam 2012-2022, bơh bơta đơng lam bơh Tổng Ƀí thư ồng Nguyễn Phú Trọng dê.

Tổng Ƀí thư ồng Nguyễn Phú Trọng- Kwang atbồ Mpồl đơng lam dà lơgar bè rcang sơnrdă sa kuề, sa kuà mờ bơta ờ niam

Pơrjum geh bơyai lơh nàng kờñ sền sơ wì bơta geh ngan cồng nha lơh geh, ală bơta ờ hềt lơh geh, bơta ờ hềt pràn bơh broă lơh rcang sơndră sa kuề, sa kuà mờ bơta ờ niam tàm 10 nam do mờ tơnơ̆ rlau 01 nam lơh jat Nghị quyết Pơrjum dờng dơ̆ 13 bơh Đảng dê; sơñio loh jơnau gơbàn, ai tơlik jơnau bơsram mờng chài; ai tơlik kơnòl broă, gùng dà broă lơh tờm bè rcang sơndră sa kuề, sa kuà mờ bơta ờ niam tàm tơngai tus. Lơh nền, ring bal bơta gĭt wă mờ lơh broă, lam lơh jat geh cồng nha ală gùng dà broă lơh, kơnòl broă pa bơh Ƀan Cấp hàñ dà lơgar, Ƀộ Cíñ trị, Ƀan Bí thư dê bè rcang sơndră sa kuề, sa kuà mờ bơta ờ niam, ngan là broă lơh mờ lam lơh jat broă lơh bơh Mpồl đơng lam kấp càr bè rcang sơndră sa kuề, sa kuà mờ bơta ờ niam.

Cau mblàng K’Hạnh