VOV4.K’ho - Drim òr (11/01), Ƀan Ƀí thư bơyai lơh pơrjum gùt lơgar tơn jơh broă sền gròi, jăt sền nam 2021, lơh jăt kơnòl nam 2022.

Đơs tàm dơ̆ pơrjum, Thường trực Ƀan Ƀí thư ồng Võ Văn Thưởng đơs tờm, nàng tơnguh uă nùs nhơm kơ̆ dơn, bơngă pin dờn, bơta pràn đơng lam dà lơgar, Đảng he pal pơn jăt tai chồl pràn mờ ai broă bơ̆t bơtàu, lơh niam Đảng tus mờ khà uă rơlao, pơgồp bal mờ broă bơ̆t bơtàu mpồl cíñ trị; rơcang sơndră mờ sa kuề sa koà pơgồp bal mờ tam dră mờ bơta ờ niam; kơrian pơgồp bal mờ broă lơh ngan lơh glài nền nòn ală bơta tơngŏ ờ niam, “lơh is”, “Tam gơl is”. Ồng Võ Văn Thưởng sồr, ală kấp ủy, mpồl đảng, ủy ƀan kiểm tra ală kấp pal tơrgùm kơlôi sơnơng, bơsram, lơh jăt geh cồng nha ală nghị quyết, cỉ thị, jơnau đơs pơn dŭt, kơrnoăt bơh Đảng bè broă sền gròi, jăt sền, lơh glài đảng. Bơ̆t bơtàu broă lơh, rơndăp broă sền gròi, jăt sền geh cồng nha, di pal mờ bơta geh, bơta niam bơh tiah, mpồl lơh broă dê.

Cau mblàng Ndong Brawl