Nam 2022, Ủy ƀan Jơi bơtiàn kòn cau neh lơh nền ală kơnòl broă tờm geh jàu, lam lơh jat kràñ cê jơh nùs, dùl ròt bal, geh cồng nha ală broă lơh, broă lơh jơi bơtiàn kòn cau, pơgồp bơnah sền gròi rài kis lơh sa- mpồl bơtiàn ai làng bol tiah làng bol kòn cau dùl ết nă cau mờ tiah kơh bơnơm.

Tàm nam 2023, Ủy ƀan Jơi bơtiàn kòn cau pơn jat tai lam lơh jat bàr pe kơnòl broă tờm, tàm hơ̆ lam lơh jat niam rlau tai Broă lơh jơnau kờñ Dà lơgar bơtàu tơnguh lơh sa- mpồl bơtiàn tiah làng bol kòn cau dùl ết nă cau mờ tiah kơh bơnơm tơngai bơh nam 2021-2030, tơngai dơ̆ 1: bơh nam 2021 tus nam 2025. Ƀộ trưởng, Củ niệm Ủy ƀan Jơi bơtiàn kòn cau ồng Hầu A Lềnh pà gĭt, tàm ală nam do, Cíñ phủ neh geh uă broă lơh nàng bơtàu tơnguh lơh sa tiah làng bol kòn cau dùl ết nă cau mờ tiah kơh bơnơm; tàm hơ̆ tờm ngan là tàm gah lơh sa suơn sre. Do kung là ală jơnau kờñ, kơnòl broă mờ Ủy ƀan geh lơh jat tàm tơngai tus.