Pơrjum dơ̆ 10, Hội đồng Ñân zân càr Lâm Đồng khoă X đơs, broă lơh ai gơnoar lơh ală broă lơh bơt bơtàu, uă ngan là hìu ơm cau dùl nă să mờ broă lơh atbồ dà lơgar dê bè rơndap tap sèng bơt bơtàu tàm ƀòn dờng Dà Làc đơs is, càr Lâm Đồng đơs bal gam ờ hềt di pal mờ ờ hềt kràñ, lời gơlik geh jơnau gơ lời wơl kơn jơ̆ ngan. Tàm hơ̆, dơ̆ tơrlah taluy, tơrlah broă lơh bơt bơtàu lơh 2 nă cau chơ̆t mờ 5 nă cau ndai sồt să gơlik geh tàm sơnah ƀòn 10, ƀòn dờng Dà Làc dê tàm drim gờñ ngai 29/06 là dùl pơnyơu mpờl gŏ ngan.

Đơs tàm dơ̆ iăt, kơno mờ mblàng lơh loh tàm dơ̆ lùp mờ hơ jơnau lùp ồng Trần Văn Hiệp, Củ tịc Ủy ƀan Ñân zân càr Lâm Đồng đơs là, broă lơh rơndap ù tiah, rơndap tap sèng bơt bơtàu tiah drà kờñ pal pơn jat tai lơh kràñ, pal cribơyai mờ ai tơlik tơl jơnau sồr loh làng ai tơl tiah in, ngan là tàm ală tiah kơh uă, ờ ring taluy uă.